ഒരു കോടി മുടക്കി ഒന്നേകാല്‍ കോടി കിട്ടുന്നത് നല്ല ബിസിനസാണ്. പക്ഷേ ലാഭം നേടാന്‍ മാത്രമെങ്കില്‍ എന്തിനാണ് ഈ സെക്‌സ് മൂവി വ്യാപാരം. ഇത് കലയല്ല. വെറും വ്യാപാരമാണ്.
കാമസൂത്രയുടെ പരസ്യത്തില്‍ അടിവസ്ത്രം മാത്രം ധരിച്ച് പേരെടുത്ത നടി ഇന്ത്യയൊട്ടാകെ അഭിനയിച്ച് ഒടുവില്‍ മാതൃഭാഷയില്‍ മടങ്ങിയെത്തി. മധ്യവയസിന്റെ ശരീരപുഷ്ടി ഉള്ളത് കൊണ്ട് അത്യാവശ്യം സംവിധായകര്‍ക്കൊക്കെ മറ്റാരെയും തിരഞ്ഞ് പോകേണ്ടതില്ല ചേച്ചിയാക്കാന്‍. അല്ലെങ്കിലും അഗമ്യഗമനത്തിനും, സ്വവര്‍ഗ്ഗത്തിനുമൊക്കെയാണല്ലോ സിനിമയില്‍ ഇപ്പോള്‍ ഡിമാന്‍ഡ്. അഭിനയമോ, കഥയോ അല്ല വസ്ത്രങ്ങളുടെ വിടവിലൂടെ കാണുന്ന ശരീരമാണ് സിനിമയുടെ സൗന്ദര്യം.
പത്തിരുപത് വര്‍ഷം സിനിമയെടുത്തിട്ടും, വാര്‍്ദ്ധക്യം ബാധിച്ചിട്ടും ഒരു ഹിറ്റ്, അല്ലെങ്കില്‍ അനുഭവം നല്കുന്ന ഒരു സിനിമ നല്കാനാവാത്ത ഒരു സംവിധായകന്റെ പരാക്രമം കൂടിയാണ് ഈ സിനിമയെന്നാണ് എന്റെ പക്ഷം. ക്ഷണക്കത്ത്, ഒറ്റയാള്‍ പട്ടാളം, തച്ചോളി വര്‍ഗ്ഗീസ് ചേകവര്‍, ശേഷം (അവാര്‍ഡ് പടം !), ഇവര്‍ (first movie used steady cam in malayalam),കണ്ണെഴുതി പൊട്ടും തൊട്ട് (ഹോ..!), ഒടുക്കം ലാലേട്ടന്റെ കോമഡി ആഭാസം ഒരു നാള്‍ വരും....പിന്നെ രതിനിര്‍വ്വേദം. അക്കാദമിയൊക്കെ ഏത് സിനിമയറിയാത്തവനും ഭരിക്കാം, പക്ഷേ നല്ലൊരു സിനിമ എടുക്കാന്‍ അല്പം വിഷമമാണ്.
എനിക്കൊരു ഹിറ്റ് താ എന്റെ ദൈവമേ എന്ന് പ്രാര്‍ത്ഥിക്കുന്ന നമ്മുടെ ചില സംവിധായക കാര്‍ന്നോന്‍മാരുടെ അവസ്ഥ തന്നെ. പേര് ഇനിഷ്യല്‍ മാറ്റിയിട്ടും, കൗമാരക്കാരെ നായകരാക്കിയിട്ടും ക്ലച്ച് പിടിക്കാത്ത നമ്മുടെ സംവിധായകര്‍ക്ക് ഇതു തന്നെ ഇനി മാര്‍ഗ്ഗം.
സിനിമകള്‍ ഇറങ്ങട്ടെ, സെക്‌സും പ്രണയവും എല്ലാം വിഷയമാകട്ടെ. അല്ലാതെ പഴയ ചിത്രങ്ങളിലെ സെക്‌സ് അളന്ന് അവയെ വീണ്ടും നിര്‍മ്മിച്ച് സെക്‌സ് വ്യാപാരം നടത്തുകയല്ല വേണ്ടത്.
എന്റെ വിഷമം അതല്ല, അടുത്ത ഓണത്തിനോ ക്രിസ്തുമസിനോ നട്ടുച്ചക്ക് ടി.വി കാണുമ്പോള്‍ കേള്‍ക്കാം ' ബ്ലോക്ക് ബസ്റ്റര്‍ ചലച്ചിത്രം രതിനിര്‍വ്വേദം' എന്ന്. പിന്നെ സമൃദ്ധമായ പിന്നാമ്പുറവും, മുന്നാമ്പുറവും കാണിക്കുന്ന സ്‌ക്രീന്‍ സ്റ്റില്ലും.
വല്ല പെണ്‍വാണിഭക്കാരനും സ്‌പോണ്‍സര്‍ ചെയ്യാതിരുന്നാല്‍ ഭാഗ്യം....
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ
കുറിപ്പ്: ഈ ബ്ലോഗിലെ ഒരു അംഗത്തിനു മാത്രമേ അഭിപ്രായം പോസ്റ്റ് ചെയ്യാന്‍ കഴിയൂ.