പ്രമുഖതാരങ്ങളെല്ലാം മിനിസ്‌ക്രീനുമായി ഏതെങ്കിലും വിധത്തില്‍ ബന്ധപ്പെടുന്നവരാണ്. മോഹന്‍ലാല്‍ സീരിയല്‍ നിര്‍മ്മിച്ചിരുന്നു. മമ്മൂട്ടിയാണെങ്കില്‍ ചാനല്‍ മുതലാളിയാണ്. മുകേഷ് പരിപാടി അവതാരകന്‍. അങ്ങനെ മലയാളത്തിലെ ഭൂരിപക്ഷം താരങ്ങളും അഭിനയത്തിനും അല്ലാതെയും ടെലിവിഷന്‍ മാധ്യമത്തെ ഉപയോഗിക്കുന്നു. എന്നാല്‍ ഇത്രകാലമായിട്ടും ഈ മേഖലയില്‍ പ്രവേശിക്കാത്ത ഒരു നടനായിരുന്നു സുരേഷ് ഗോപി. നിര്‍മ്മാണ മേഖലയില്‍ താല്പര്യങ്ങളില്ലാത്തതും, സീരിയല്‍ അഭിനയം യോജിക്കാത്തതിനാലും ടെലിവിഷനില്‍ നിന്ന് മാറിനിന്ന സൂരേഷ് ഗോപി കോടീശ്വരന്‍ റിയാലിറ്റി ഷോയിലൂടെ മലയാളം ചാനലിലെ അവതാരകനാകുന്നു. ഏഷ്യാനെറ്റാണ് ഈ പരിപാടി പ്രക്ഷേപണം ചെയ്യുന്നത്. കോന്‍ ബനേഗാ ക്രോര്‍പതിയുടെ മലയാളം പതിപ്പ് ആദ്യം വന്നത് സൂര്യയിലാണ്. മുകേഷായിരുന്നു അവതാരകന്‍. ഇപ്പോള്‍ സ്റ്റാറിന്റെ കീഴിലുള്ള ഏഷ്യാനെറ്റില്‍ വൈകാതെ പരിപാടി ആരംഭിക്കും. റിലയന്‍സ് ഗ്രൂപ്പിന്റെ പ്രൊഡക്ഷന്‍ കമ്പനിയാണ് പരിപാടി നിര്‍മ്മിക്കുന്നത്.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ
കുറിപ്പ്: ഈ ബ്ലോഗിലെ ഒരു അംഗത്തിനു മാത്രമേ അഭിപ്രായം പോസ്റ്റ് ചെയ്യാന്‍ കഴിയൂ.