അല്പകാലം സംപ്രേഷണം നടത്തി പിന്നീട് നിര്‍ത്തിവെച്ച സണ്‍ നെറ്റ് വര്‍ക്കിന്റെ ചിരിത്തിര എന്ന കോമഡി ചാനല്‍ വീണ്ടും ആരംഭിക്കുന്നു. വീഡിയോ ഓണ്‍ ഡിമാന്‍ഡ് മോഡില്‍ ആവിഷ്കരിച്ച ചിരിത്തിര പിന്നീട് അത്തരം സംവിധാനത്തിലേക്ക് മാറാതെ തുടര്‍ച്ചയായി കോമഡി സീനുകള്‍ മാത്രം പ്രക്ഷേപണം ചെയ്യുകയായിരുന്നു. പിന്നീട് ഇത് നിര്‍ത്തിവെച്ചു. സണ്‍ ഡയറക്ടിന്റെ സര്‍വ്വീസില്‍ മാത്രമാണ് ഈ ചാനല്‍ ലഭിച്ചിരുന്നത്. ഇപ്പോള്‍ വീണ്ടും ചിരിത്തിര ആരംഭിക്കുകയാണ്. ആഗസ്റ്റ് 10 മുതല്‍ സണ്‍ഡയറക്ട് ഡി.ടി.എച്ചില്‍ എക്സ്ക്ലുസിവ് ചാനലായി ഇത് ലഭിക്കും. സൂര്യ ആക്ഷന്‍ എന്ന മൂവി ചാനലും സണ്‍ ഡയറക്ടില്‍ ഇപ്പോഴും ടെസ്റ്റ് സംപ്രേഷണം നടത്തുന്നുണ്ട്. ഇതോടൊപ്പം മറ്റൊരു മലയാളം മൂവി ഓണ്‍ഡിമാന്‍ഡ് ചാനലും സണ്‍ഡയറക്ടില്‍ ലഭ്യമാണ്. സണ്‍ ഗ്രൂപ്പില്‍ നിന്നുള്ള എച്ച്.ഡി ഫോര്‍മാറ്റില്‍ ആരംഭിക്കുന്ന മൂവി ചാനല്‍ എന്ന് തുടങ്ങുമെന്ന് ഇപ്പോള്‍ വിവരങ്ങളൊന്നും ലഭ്യമല്ല.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ
കുറിപ്പ്: ഈ ബ്ലോഗിലെ ഒരു അംഗത്തിനു മാത്രമേ അഭിപ്രായം പോസ്റ്റ് ചെയ്യാന്‍ കഴിയൂ.